Размер:
AAA
Цвет: CCC
Изображения Вкл.Выкл.
Обычная версия сайта
Муниципальное бюджетное учреждение культуры
«Ижемская межпоселенческая клубная система»
8(82140) 94-9-00
Обратная связь

169460, Республика Коми,
с. Ижма, ул. Советская, д. 49

rdk2009i@mail.ru

22.06.2018

Концерт «Чужан мулöн рöмъяс»

Мохча культура керкаын мунсис нöшта öти концерт «Чужан мулöн рöмъяс» ичöтик видзöдысьяслы (кага видзан керкаö и гожся лагерö ветлысьяслы). Нуöдысьяс и петкöдчысьяс сёрнитiсны, сьылiсны комиöн, йöктiсны коми шылöда гижöда улын. Тайö гажöдчöмсö ми сиим республикаса коми культура волы и коми гижöд лунлы, кодöс пасйöны быд во коймöд вöскресеньö ода кора тöлысьö.

Видзöдысьяссö вочавидзисны гажа сьылöм-йöктöмöн «Паськыд гажа улича». Талунъя петкöдчöмын ми ыждöдiм Н.А. Щукинöс, ичöт челядьлы коми кывбур гыжысьöс, кодi таво моз тöлысьын кутас пасйыны 85 ар. Первой ичöт черикыйысьяс   петкöдлiсны кывбур – сёрнитöм «Мыйöн лоны» да сетiсны видзöдысьяслы нöдкывъяс черияс йылысь. Налы окота пырысь вочавидзисны дзоля гöстьяс. Нöшта найö казьтыштiсны мый зэв радейтöны черинянь. «Фантазия» котырö ветлысьяс петкöдлiсны сьылан – йöктана блин йылысь серпас. Та бöрын тэрмасьöмöн локтiс йöввывса хöзяйка - Авдотья Изотьевна и юаысьыштiс челядьлысь йöввыв вежон йылысь. Сэсся челядь песласьыштiсны Щукинлöн «Лыддьöдлан физзарядка» улö да кывзiсны сылысь кывбур-сёрнитöм «Кодлöн понмыс медся бурджык», öд тавося воыс нуöдо асыввыв гороскоп кузя Понлысь пас. Коми чужан му йылысь сьылiс Катя Забоева. Коми вöр-ва ошкыгтырйи сьылöмöн локтiс Ёма-баба, сеталiс нöдкывъяс челядьлы да «больгысь кöчьяскöд» гажöдiс öтувъя йöктöмöн. А Василиса Филиппова висьталiс Щукинлысь кывбур «Ми йöктам». Сы бöртi нывкаяс «Изюм» котырысь петкöдлiсны «Коми рэп».

Йöктöм да Александр Щукин кывбур «Чужан сикт» висьталöм бöрын, зэв гажаа сьылiсны шылöда гижöд «Вильыш кад» Ксюша Прелова да Настя Канева.

Медводза йöзкостса коми кывбур гижысьлы, Серафим Алексеевич Поповлы, таво эськö тырис 105 ар. Сылысь гижöдтор «Дзоридзъяс öвтöны юрнас» лыддьис Анна Ануфриева. А Елена Канева и став петкодчысьяс сьылiсны «Гажа тöв йылысь сьыланкыв», кодöс гижис Василий Иванович Лебедев – Кумач, роч кывбур тэчысь, кодлы эськö таво тырис 120 ар.

                                                              Галина Рочева, художественный руководитель.

 


Возврат к списку