Гастрольяс Изьва район кузя

Видза оланныд, дона зрительяс да лыддьысьысьяс. Талун ме кőсъя гижыштны неыджыд гижőд , тайȍ шыасьȍмыс сы йылысь, мый миян ыджыд фольклорнȍй коллектив «Ыбса дзоридзьяс», кодőс 17-ȍд августȍ 2017 воő нимтылiсны « Народнőй» коллективȍн. Тайő котырыс 25-ȍд февраль лунȍ ветлiс Печера ю бȍкса Кипиево, Брыкаланск да Няшабож  сиктъяс кузя концертнőй программаőн «Чужан му».

Эмőсь йőз, быттьő яръюгыд кодзувьяс.

Кодъяс пемыдын койőны дзирд.

Быттьő войвывса мичаник дзоридзьяс.

Гажőн тыртэны тувсовья видз.

Мича олőмныс налőн и думъясныс.

Сőстőм ловныс и сьőлőм сыв.

Кыдз бур книгалőн листъясыс- лунъясыс.

И быд час налőн бур кыв.

Тавося воыс нимтȍма Коми Республикаын «Культура воőн». Петкőдчан гажсȍ ми сиим тайő ыджыд подулыслы, сы понда мый мичлунсȍ, пытшкесса ловсő кыпőдő мортлȍн топыд рőдвуж ним. И сетő ыджыд кыпыдлун йőзкостса культураын творчество вылő.

Сизя ыб культура керкаын 52 во уджалö фольклорнöй коллектив «Ыбса дзоридзьяс». Уна мича сьыланкыв, хороводьяс пуктіс и петкöдліс сiйö , ас коми изьва муса традицияяс сьöрти пуктö и öнöдз гажöдö, петкöдлö ассьыс сям лунсö да мичлунсö сцена вывсянь. Артистъяс эз сȍмын петкőдлыны воысь видзőдысьяслы важся олőмысь йőктȍм , сьылȍм, но и гажȍдiсны мича йȍзкостса йȍктȍмȍн : «Юкмőс дорын», «Ох, как ты мне нравишься» и «Танец - Солнца и огня». Зэв радпырысь видзőдысьяс нимкодялiсны Семяшкина Еленаőс и Алексей Терентьевőс мича йőктэмысь.

Быдчȍма вылас сямаőсь миян йőз. Сэн же и шмонитчыштiс Егор Рочев ас серни баснянас, кодi концерт вылас вőлi аслыспőлőс дзоридзȍн, Роза Канева том авья ныв сьылiс Ирина Чувьюровалысь «Чужан керка» сьыланкыв. Сцена вывсян концерт нуőдысьяс Мария Канева да Наталья Артеева сiдз жэ шуисны бур кывьяс локтан   нывбабаяслőн гаж кежлő. Коллективса вокальнȍй группа сьылiс «Мамкőд серни», «Муса мамőй» сьыланкывъяс.

Ас нимсянь кőсъя висьтавны ыджыд аттьő став культура керкаын уджалысьяслы, кодъяс кőдзыд тувсовья лунő миянőс зэв пőся вочаалiсны культура керкаын, вȍчисны ставсȍ мед локтысь артистъяслы вőлi бур петкőдлыны концерт. Ог кőсйы ошйысьны, а тайő гижȍд водзас телефонőн звőнитiсны Кипиево сиктсянь и зэв ена аттьőалiсны бур концертысь. Ена йőзлы кажитчȍма сьылőм, йőктȍм, мича паськőм и нюмьялан чужанбанъяс.

Еще кőсья гижны мый 18-ȍд февральȍ Краснобор сиктын мунiс быд вося мича коми фестиваль «Мед шондiмоз югьялан рőмьяснад сырья», миян коллектив быд во пуктȍ выль программа и та во Галина Чупрова гижȍд кузя пуктiм важья армия мунȍм программа, кőнi вőлi видзȍма важся армияő колледчан сьыланкывъяс, мамлőн да батьлőн гажтȍмалőм, кузьнечаын уджалőм. Став декарациясȍ педкőдчȍм вылő вőчис Анатолий Чупров. Ыджыд аттьȍ сылы.

Видзőдысьяссянь и Сизяыб культураын уджалысьяссянь артистъяслы кőсья виставны ыджыд аттьő, сiдз же колхоз «Ижемский оленевод и Ко» веськőдлысьлы, Константин Иванович Личутинлы сетőм транспортысь и Василий да Алексей Чупровьяслы бура новлőдлőмысь. Ставыслы бур шуд да кыпыд дзоньвидзалун.

Чужан му – важ и выль сьыланкывьяс,

Мича муслуна пиян да нывьяс.

Пőльяс – пőчьяс и батьяс да мамьяс

- уджсő тőдысьяс, шаньяс да рамьяс.

Гижȍдыс Галина Чупровалȍн , Сизяыб культура керка 

да фольклорнȍй коллективőн веськȍдлысь.

Фотогалерея